Sogndal kommune og Luster kommune har utvikla fire klimascenario for 2040. Scenarioa er laga for å diskutere konsekvensar av klimaendringar og klimapolitikk i ein lokal kontekst, på ein handgripeleg måte.
Scenarioa skal brukast for å lage ein strategi for bustad, arbeid, klima og transport. Korleis kan me legge til rette for positiv utvikling i kommunane og samstundes ta omsyn til klimautfordringa?
Det skal snart fastsetjast kvar den nye barneskulen i Sogndal skal byggast. Via vår løysing for innbyggjarmedverknad kan du lese om arbeidsprosessane som pågår, sjå moglegheitsstudia for dei ulike lokasjonane, og både gi og sjå innspel til saka.
Sogndal kommune og Luster kommune har utvikla fire klimascenario for 2040. Scenarioa er laga for å diskutere konsekvensar av klimaendringar og klimapolitikk i ein lokal kontekst, på ein handgripeleg måte.
Arealplanen bestemmer kva som kan byggjast kvar i Sogndal kommune dei neste ti åra.
Me har testa ut ei ny løysing for innbyggjarmedverknad, og her kan du lese om arealplanarbeidet, sjå moglegheitsstudiar for tettstadene våre og sjå innspel.
Det finst mange måtar å lage planar på. I Sogndal har me tru på at dei beste tankane og ideane kjem fram om mange får vere med og seie meininga si. Derfor har me forsøkt å sette norgesrekord i medverknad når planen skulle lagast. Folkerøysta teikna eit bilete av kven me er og kva som kjenneteiknar oss, og dette biletet gjev oss posisjonen utfordrarbygda. Derfor heiter samfunnsplanen si eiga nettside utfordrarbygda.no.
Sogndal har vore kjenneteikna av å vere veslebroren med dei store ambisjonane. Det gjeld klima- og brebygda Fjærland, reiselivs- og kunstbygda Balestrand, forvaltnings- og digitaliseringsbygda Leikanger, nærings- og vitebygda Kaupanger og fotball- og saftbygda Sogndal.
Visjon
Livskvalitet og utviklingskraft i Sogn
Livskvalitet fordi me vil at innbyggjarane skal kunne leve det gode liv i kommunen vår. Utviklingskraft fordi me vil vere ein kommune som skapar vår eiga utvikling, og Sogn fordi Sogndal ønskjer å bidra til ei utvikling som er større enn oss sjølve.
Foto: Opplev Leikanger
Posisjon
Utfordrarbygda?
Sogndal kommune er fylt av livskraftige lokalsamfunn som er stolte av kven dei er. Sjølv om bygdene er ulike i storleik og har kvar sin eigenart, så deler dei ein vitalitet og ein styrke. Dette gjev dei som bur der trua på at dei er i stand til å skape si eiga utvikling, trass store trendar som globalisering, urbanisering og digitalisering. Dei står i ein utfordrarposisjon og tek opp kampen med dei store.
Foto: KjeringiOpen
Verdiar
Samskapande
Samskapande betyr at me alltid skal søke å løyse oppgåvene våre saman med andre. Samskaping inneheld dessutan noko meir enn samarbeid: Det legg føringar for at det skal skje noko nytt.
Open
Open betyr at det skal vere openheit knytt til det me gjer. Det betyr òg at kommunen som organisasjon skal vere open for å tenke nytt, open for andre perspektiv og for dialog rundt det me gjer.
Nysgjerrig
Nysgjerrig betyr å vere på jakt etter dei beste løysingane, metodane og innspela. Det betyr å hugse å løfte blikket, og sjå kva som skjer rundt oss for å heile tida bidra til å utvikle oss vidare.
God
God betyr at me skal vere gode på å levere basistenestene til innbyggjarane og brukarane våre. Det betyr òg at me skal vere gode med kvarandre, sjå menneska og opptre på ein måte me kan vere stolte av.
Samfunnsmåla våre
Sogndal kommune har valt tre mål som saman skildrar samfunnet me ønskjer oss i 2030. Trekanten symboliserer at samfunnsmåla utgjer rammene for det me skal gjere.
Livskvalitet
Å ha livskvalitet som samfunnsmål krev at me leverer likeverdige tenester til alle innbyggjarar der folk bur. Trivsel vert skapt der ein bur, og Sogndal skal jobbe for at alle lokalsamfunna gjev rammer for god livskvalitet.
Skaparkraft
Innbyggjarane, næringslivet, frivilligheita og dei andre skapande kreftene i kommunen er den viktigaste drivkrafta for ei aktiv nærings- og samfunnsutvikling. Sogndal kommune skal gje gode krefter dei beste rammene for å realisere ei god arbeidsplassutvikling, folketalsutvikling og skaparkraft i heile kommunen.
Miljømedvit
Sogndal kommune skal vere ein miljømedviten kommune med klima og miljø som premiss for alt me gjer. Dette betyr at kommunen kuttar klimagassutsleppa våre, driv systematisk klimatilpassingsarbeid og har minst mogleg avfall, mest mogleg gjenbruk og ein medveten arealbruk.
Satsingsområde
Satsingsområda må møte utviklingstrekka våre, og samtidig vere dei som gir størst ringverknader. Kvart satsingsområde ligg innanfor ramma av dei tre samfunnsmåla livskvalitet, skaparkraft og miljømedvit, og er samla sett vurdert til å vere den beste måten å nå måla våre på.
